ലോല വികാരങ്ങൾ ക്വാറന്റിനിൽ ആണ്
(കൊറോണക്കാലത്തെ പ്രണയം)
**********************
കണ്ണാഴങ്ങളിൽ ആഴ്ന്നിറങ്ങി
നിന്റെ ആത്മാവിന്റെ അടിത്തട്ടോളം എത്തണമെന്നുണ്ട്

വിടർന്ന നെറ്റിയിൽ ഉമ്മകൾ കൊണ്ട് നിറക്കണം എന്നുണ്ട്

നിന്റെ മൃദുലമായ മുടിയിഴകളിൽ
കൈ കോർക്കണം എന്നുണ്ട്

ഇനിയൊരിക്കലും തിരിച്ചു വരാനാകാത്ത വിധം
നിന്നിലേക്ക്
ആഴ്ന്നിറങ്ങണം എന്നുണ്ട്

പക്ഷെ
നിശ്വാസങ്ങൾ കൂട്ടിമുട്ടാത്ത
കൈ കോർത്തു പിടിക്കാനാകാത്ത
ദൂരത്തിൽ
നിര്വികാരതയുടെ
മൂടുപടത്തിൽ
ലോല വികാരങ്ങൾ ക്വാറന്റിനിൽ ആണ്!