മൌനം

കുത്തുവാക്കുകളെ മൌനം കൊണ്ട് പ്രതിരോധിച്ചപ്പോള്‍

അത് ഒരു നല്ല പ്രതിരോധകം ആണെന്ന് അറിഞ്ഞു

നിന്റെ മൌനം എന്റെ നെഞ്ചിന്‍കൂട് തകര്‍ത്തപ്പോള്‍

അതിനെക്കാള്‍ നല്ല ഒരായുധം ഇല്ലെന്നും അറിഞ്ഞു

അഭിപ്രായം പറയേണ്ടെന്ന് കരുതിയിടത്ത്

മൌനം സമ്മതം ആയും നിഷേധം ആയും രൂപം പ്രാപിച്ചു

പ്രതിരോധകമായും ആയുധമായും സമ്മതം ആയും നിഷേധം ആയും

മൌനത്തെ ആശ്ലേഷിച്ചപ്പോള്‍ എന്റെ നാവിനു

അക്ഷരങ്ങള്‍ നഷ്ട്പെട്ടു.ശബ്ദം നഷ്ട്പെട്ടു

ഊമയാണ് ഞാന്‍ ഇപ്പോള്‍

നിങ്ങളുടെ സംശയങ്ങള്‍ക്ക്

ചോദ്യങ്ങള്‍ക്ക്

എനിക്കുത്തരം ഒന്നേയുള്ളൂ

മൌനം മാത്രം

വാക്കുകളില്‍ ഉത്തരം പ്രതീക്ഷിച്ചു എന്നോടൊന്നും ചോദിക്കരുത്

എന്റെ മൌനത്തെ നിങ്ങള്ക്ക് ഇഷ്ടമുള്ള രീതിയില്‍ വ്യാഖാനിക്കാം!!!